Çempionlar Liqası: "Fənərbağça" Fransa klubuna uduzdu

UEFA Çempionlar Liqasının III təsnifat mərhələsində Türkiyə "Fənərbağça"sı Fransada "Lill"in qonağı olub.

Oxu.Az xəbər verir ki, oyunda ilk maraqlı məqam 10-cu dəqiqədə İstanbul klubunun çalışdırıcısı Joze Mourinyonun sarı vərəqə alması olub.

İki dəqiqə sonra isə ev sahibləri hesabı açıblar. Santos fərqlənib.

Sarı-lacivərdli komanda 80-ci dəqiqədə Kahvecinin qolu ilə hesabı bərabərləşdirsə də, 90+1-ci dəqiqədə Jeqrovanın qolu fransızların qələbəsini rəsmiləşdirib - 2:1.

Cütlük arasında cavab qarşılaşması avqustun 13-də oynanılacaq.