UEFA Çempionlar Liqasında ilk liqa mərhələsinin oyunları keçirilib.
Oxu.Az xəbər verir ki, turnirin son qalibi olan Madrid "Real"ı "Ştutqart"ı qəbul edib. Kral klubu yarışa qələbə ilə başlayıb - 3:1.
"Bavariya" Münhendə Zagreb "Dinamo"suna rəhm etməyib. Meydan sahibləri qonaqları 9:2 hesablı məğlubiyyətlə yola salıblar. Almanların heyətində ingilis Harri Keyn pokerlə yadda qalıb.
"Liverpul" səfərdə "Milan"ı məyus edib. Merisaydlılar oyunun gedişində məğlub durumda ikən geridönüş etməyi bacarıblar - 1:3.
Daha bir görüşdə "Sportinq" evdə "Lill"dən üstün olub. Qonaqlar ikinci hissədə azlıqda qalıblar - 2:0.
Rəylər