Bu gün "Liverpul"un və Portuqaliya millisinin hücumçusu Dioqu Jota və qardaşı Andre Silva dəfn olunublar.
Oxu.Az xəbər verir ki, mərasim futbolçuların böyüdüyü Qondomar şəhərinin qəbiristanlığında baş tutub.
Dəfn mərasimində "Liverpul"un futbolçuları və Jotanın Portuqaliya millisindəki oyundaşları da iştirak ediblər. Həmçinin Azərbaycan millisinin baş məşqçisi Fernandu Santuş da dəfn mərasiminə qatılıb.
Qeyd edək ki, "Liverpul" azarkeşləri "Enfild" stadionunun ətrafına güllər düzməklə Dioqu Jotaya ehtiramlarını göstəriblər.
