Yaponiyanın paytaxtı Tokioda dünya çempionatının yarımfinal mərhələsinin oyunları keçirilib.
Oxu.Az xəbər verir ki, 100 kq çəki dərəcəsində mübarizə aparan Elmar Qasımov yarımfinalda portuqaliyalı Jorje Fonseka ilə görüşüb. İdmançımız qarşılaşmada məğlub olub.
Daha sonra E.Qasımovun təsəlliverici görüşdə rəqibi yaponiyalı Aaron Volfla görüşüb. Bu qarşılaşmanı da məğlubiyyətlə başa vuran təmsilçimiz turnirdə 5-ci yerlə kifayətlənib.
12:58
Yaponiyanın paytaxtı Tokioda keçirilən dünya çempionatında bu gün Azərbaycanın iki cüdoçusu mübarizəyə qoşulub.
Oxu.Az xəbər verir ki, 100 kq çəki dərəcəsində yer alan Elmar Qasımov və Zelim Kotsoyev tatamiyə çıxıblar.
E.Qasımov 1/32 finalda belaruslu Daniel Mukete ilə üz-üzə gəlib və qızıl xalla qələbə qazanıb. Onun növbəti rəqibi Rusiyanı təmsil edən erməni Arman Adamyan olub. İdmançımız ermənini 78 saniyəyə ippobla məğlub edərək, növbəti mərhələyə yüksəlib.
Bu mərhələdə E.Qasımov braziliyalı Rafael Buzakarinini də ipponla məğlub edib. 1/4 finalda hollandiyalı Mixael Korreldən üstün olan cüdoçumuz adını yarımfinala yazdırıb. Bu mərhələdə o, portuqaliyalı Jorje Fonseka ilə görüşəcək.
Digər cüdoçumuz Zelim Kotsoyev isə braziliyalı Leonardo Qonsalveşdən üstün olub. 1/16 finalda isə o, yaponiyalı Aaron Volfa məğlub olaraq, mübarizəni dayandırıb.
Xatırladaq ki, hazırda yığmamızın hesabında bir gümüş və bir bürünc medal var.
Samir İsayev
