“Fənərbağça” “Qalatasaray”la oyunda meydanı tərk etməsi ilə bağlı bəyanat yaydı - YENİLƏNİB + VİDEO

“Fənərbağça” Türkiyə Superkuboku ilə bağlı bəyanat yayıb.

Klubun rəsmi saytında yayımlananan bəyanatda deyilir:

“Qazanmaq üçün yox, doğruları müdafiə etmək üçün meydana çıxdığımız bu gündə hərəkətlərimizi izah etmək üçün bunu vurğulamaq istəyirik. Sadəcə futbolda yox, yarışdığımız hər şeydə 117 illik türk futboluna xidmət edən, muzeyində alın tərinin, əməyin izlərini daşıyan minlərlə kuboku olan, 30 milyon azarkeşlə ölkəsinin milli dəyərlərini mənliyində hiss edən dünyanın ən böyük idman klubu olaraq, dünən olduğu kimi bu gün və sabah da dik durmağa davam edəcəyik”.

Qeyd edək ki, “Fənərbağça” Türkiyə Superkubokunda “Qalatasaray”la keçirilən oyunun üçüncü dəqiqəsində meydanı tərk edib.

07.04.2024, 22:50

“Fənərbağça” Türkiyə Superkubokunda “Qalatasaray”la keçirilən oyunun üçüncü dəqiqəsində meydanı tərk edib.

Oxu.Az xəbər verir ki, Şanlıurfada keçirilən görüşə U-19 komandasının futbolçuları ilə çıxan İstanbul təmsilçisi qarşılaşmanı davam etdirməkdən imtina edib.

Buna qədər “Qalatasaray” Mauro İkardinin birinci dəqiqədə vurduğu qolla hesabı açmışdı.

“Fənərbağça”nın bu qərarı qarşılaşmanın yarımçıq dayandırılmasına səbəb olub. Bununla bağlı Türkiyə Futbol Federasiyası (TFF) yaxın müddətdə qərarını açıqlayacaq.

“Fənərbağça”ya texniki məğlubiyyətin verilməsi və “Qalatasaray”ın Superkubokun qalibi elan olunması gözlənilir.