“Fənərbağça” Renat Dadaşovun komandasına dörd qolla qalib gəldi - VİDEO

Türkiyə Super Liqasının lideri “Fənərbağça” çempionatın IX turunu da qələbə ilə başa vurub.

Oxu.Az xəbər verir ki, İstanbul təmsilçisi bu dəfə öz meydanında “Hatayspor”u məğlub edib - 4:2.

“Fənərbağça”nın qollarını Sebastian Şimanski, Brayt Osayi-Samuel, Edin Ceko və İrfan Can Kahveci vurublar.

Qonaqların heyətində Fauzi Qulam və Rayan Abid fərqləniblər.

“Fənərbağça” Renat Dadaşovun komandasına dörd qolla qalib gəldi - VİDEO

“Hatayspor”da çıxış edən Azərbaycan millisinin üzvü Renat Dadaşov da bu matçın iştirakçısı olub. Start heyətdə meydana çıxan forvard sonadək oynayıb.

Doqquz matçda maksimum nəticə göstərən - 27 xal toplayan “Fənərbağça” vahid liderdir. “Hatayspor” 14 xalla altıncıdır.

Faiq Tahirov