Finlandiyanın Vantaa şəhərində sərbəst güləş üzrə Avropa çempionatı keçirilir.
Oxu.Az APA-ya istinadən xəbər verir ki, çempionatın ikinci günündə Azərbaycan təmsilçisi Hacı Əliyev (61 kg) qızıl medal qazanıb.
O, 1/8 finalda Aleksandr Semisorovu (Almaniya), 1/4 finalda gürcüstanlı Beka Lomtadzeni, yarımfinalda Ukrayna güləşçisi Vasil Şuptarı üstələyib.
Finalda Hacı Əliyevin rəqibi Rusiya təmsilçisi Bekxan Qoyqeryev olub. 12:5 hesabı ilə rəqibinə qalib gələn idmançımız Avropa çempionu adına layiq görülüb.
