III Avropa Oyunları: Azərbaycan yığması təsnifatda sonuncu yeri tutub - YENİLƏNİB

Atıcılıq üzrə qadınlardan ibarət Azərbaycan yığması Polşada keçirilən III Avropa Oyunlarında təsnifat yarışına çıxıb.

“Report”un yarışa ezam olunmuş əməkdaşının məlumatına görə, Nərminə Səmədova, Nigar Nəsirova və Nəzrin Abbaslıdan ibarət komanda 10 m məsafəyə pnevmatik tapançadan atəş açmada qüvvəsini sınayıb.

Yer aldığı qrupda 826 xal toplayan yığma doqquz komanda arasında sonuncu nəticəni göstərib.

Qeyd edək ki, III Avropa Oyunları iyulun 2-də başa çatacaq.

10:00

Polşada III Avropa Oyunları davam edir.

Oxu.Az xəbər verir ki, yarışın beşinci günündə Azərbaycan idmançıları üç növdə mübarizə aparacaqlar.

Atıcılıqda iki idmançı fərdi növdə, eyni zamanda, qadınlardan ibarət komanda qüvvəsini sınayacaq. Millinin üç boksçusu rinqə çıxacaq, taekvondoçu Cavad Ağayev medal qazanmağa çalışacaq.

Atıcılıq

11:00. Regina Meftahəddinova, Nurlana Cəfərova (skit)

13:00. Nərimə Səmədova, Nigar Nəsirova və Nəzrin Abbaslıdan ibarət komanda (10 m məsafəyə pnevmatik tapançadan atəş açma)

Taekvondo

13:36. Kişilər: Cavad Ağayev (68 kq)

Boks

Qadınlar

20:15. 54 kq, 1/16 final

Zeynəb Rəhimova - Lenuta Periyoç (Rumıniya)

Kişilər

20:45. 80 kq, 1/16 final

Murad Allahverdiyev - Kevin Şumann (Almaniya)

22:15. 92 kq, 1/16 final

Alfonso Dominges (92 kq) - Yan Zak (İsrail)

Qeyd edək ki, Azərbaycan komandası iki qızıl, bir gümüş və iki bürünc medalla ümumi sıralamada 10-cu pillədə qərarlaşıb. III Avropa Oyunları iyulun 2-də başa çatacaq.