Təşkilatçılar qeyri-rəsmi olaraq ilk "Steroidli Olimpiada" adlandırılan beynəlxalq idman yarışı olan "Enhanced Games"in baş tutacağı tarix barədə açıqlama veriblər.
Oxu.Az xəbər verir ki, bu barədə gazeta.ru məlumat verib.
Tədbir ABŞ-nin Nevada ştatının Las-Veqas şəhərində baş tutacaq. Yarış 2026-cı il mayın 21-dən 24-dək keçiriləcək. İdmançılar üç idman növündə kimin güclü olduğunu müəyyən etmək üçün mübarizə aparacaqlar: üzgüçülük, yüngül atletika və ağır atletika. Yarışlar "Resorts World Las Vegas"da baş tutacaq.
Təşkilatçılar yeni dünya rekordu vurmağı bacaranlara 250 min dollar məbləğində pul mükafatı verəcəklərini vəd edirlər. 100 metr məsafəyə qaçış və 50 metr məsafəyə sərbəst üzgüçülük yarışlarının qalibləri 1 milyon dollar əlavə bonus alacaqlar.
