İngiltərə Premyer Liqası: Liverpul derbisində qalib müəyyənləşmədi

İngiltərə Premyer Liqasının təxirə salınmış 15-ci tur oyunu baş tutub.

Oxu.Az xəbər verir ki, "Liverpul" eyniadlı şəhərin digər klubu "Everton"un qonağı olub.

Mersisaydlılar minimal fərqlə meydan sahiblərindən üstün olsalar da, 90+8-ci dəqiqədə buraxılan qolla qələbəni əldən veriblər - 2:2.

Hazırda "Liverpul" yarış cədvəlində birinci yerdədir. Arne Slotun rəhbərlik etdiyi komanda 24 oyundan sonra 57 xal toplayıb və ən yaxın izləyicisi "Arsenal"ı 7 xal qabaqlayır.

"Everton" isə eyni sayda oyundan sonra 27 xala sahibdir. Komanda 15-ci yerdə qərarlaşaraq yüksək liqada qalmaq uğrunda mübarizə aparır.