İngiltərə Premyer Liqasının IX turu Mersisayd derbisi ilə start götürüb.
Oxu.Az xəbər verir ki, “Liverpul” öz meydanında əzəli rəqibi “Everton”la qarşılaşıb.
Görüş “qırmızılar”ın inamlı qələbəsi ilə başa çatıb - 2:0. Hesabı 75-ci dəqiqədə Məhəmməd Salah açıb. O, penaltidən fərqlənib. Misirli futbolçu 90+8-ci dəqiqədə özünün və komandasının ikinci qolunu vuraraq matçda yekun nəticəni müəyyənləşdirib.
“Everton” derbinin böyük hissəsini azlıqda keçirib. 37-ci dəqiqədə müdafiəçi Eşli Yanq qırmızı vərəqə alaraq meydandan qovulub.
Bu qələbə ilə xallarını 20-yə çatdıran “Liverpul” ən azı bir neçə saatlıq liderliyi ələ keçirib. “Everton” isə yeddi xalla 16-cı pillədədir.
İngiltərə Premyer Liqası: Salahın qolları “Liverpul”a üç xal qazandırıb - FOTO/VİDEO
