Əlcəzairəsili fransalı avtoyürüşçü Ayzek Həcər "Formula-1"in 2026-cı il mövsümündə "Red Bull" komandasının heyətində çıxış edəcək.
Oxu.Az bildirir ki, bu barədə məlumatı "Red Bull"un Mətbuat Xidməti yayıb.
O, dördqat dünya çempionu Maks Ferstappenin komanda yoldaşı olacaq.
21 yaşlı Həcər "Formula-1"də 2025-ci il mövsümündə "Red Bull"un törəmə komandası olan "Racing Bulls"un heyətində debüt edib.
Pilotun ən yaxşı nəticəsi Niderland Qran-prisində üçüncü yer olub. "Racing Bulls"da Həcəri 18 yaşlı britaniyalı Arvid Lindblad əvəzləyəcək. Komandanın digər sürücüsü Liam Louson isə gələn ildə çıxışını davam etdirəcək.
