İspaniya Kubokunun "Barselona" - "Real Madrid" final matçına təyinat alan hakim Rikardo De Burqos Benqoeçea Madrid təmsilçisinin klub televiziyasının tənqidləri səbəbindən mətbuat konfransında ağlayıb.
Bu barədə Oxu.Az "Çempionat" saytına istinadən xəbər verir.
"Məktəbdə oğlunuza atasının "oğru" olduğunu söyləyəndə və o, evə ağlaya-ağlaya gələndə bu, həqiqətən çətindir" , - deyə o, mətbuat konfransında bildirib.
Daha əvvəl "Kral klubu"nun televiziyası baş hakimin səhvlərini təhlil edən üç dəqiqəlik video yayımlayıb. Xüsusilə vurğulanıb ki, bask hakimlə "Real Madrid"in 64, "Barselona"nın isə 81 faiz qələbəsi var.
"Real Madrid" ümid edir ki, İspaniya Kral Futbol Federasiyası onun aprelin 26-da keçiriləcək final matçında baş hakim kimi işləməsinə yol verməyəcək.
