Kadi Borges "Qarabağ"ın təklifini rədd edərək Avropa klubunu seçdi

"Krasnodar" futbol klubu yarımmüdafiəçi Kadi Borgesin karyerasını Macarıstanın "Ferentsvaroş" klubunda davam etdirəcəyini açıqlayıb.

Oxu.Az xəbər verir ki, bu barədə klubun Mətbuat Xidməti məlumat yayıb.

Kadi Borges 2023-cü ilin yanvarında "Qarabağ"dan "Krasnodar"a transfer olunmuşdu. O, "qara-yaşıllar"ın heyətində 44 oyun keçirib, yeddi qol vurub və iki məhsuldar ötürmə edib.

Xatırladaq ki, 27 yaşlı Kadinin bazar dəyərini "Transfermarkt" nüfuzlu internet portalı 2,5 milyon avro həcmində qiymətləndirir.

Qeyd edək ki, Macarıstan klubu Kadi Borgesin keçidi üçün "Krasnodar"a iki milyon avro ödəyib.