Karlo Ançelotti rəsmən "Real Madrid"dən ayrıldı

"Real Madrid" baş məşqçisi Karlo Ançelotti ilə yolları ayırıb.

Oxu.Az xəbər verir ki, bu barədə klubun mətbuat xidməti məlumat yayıb.

Tərəflər 2026-cı ilin iyununa qədər olan müqaviləni qarşılıqlı razılıq əsasında ləğv ediblər.

Madrid klubunun yaydığı açıqlamada bildirilib:

"Klubumuz dünya futbolunun ən böyük əfsanələrindən birinə öz minnətdarlığını və sevgisini bildirmək istəyir. Karlo Ançelotti 123 illik tariximizin ən uğurlu dövrlərindən birini keçirərək komandamıza rəhbərlik edib və üç Çempionlar Liqası, üç Klublararası Dünya Kuboku, üç Avropa Superkuboku, iki İspaniya çempionluğu, iki İspaniya Superkubokunu qazanmaqla klubun ən titullu məşqçisi olub. "Real Madrid"in sükanı arxasında olduğu altı il ərzində 15 titul qazanıb. Klub ona və bütün ailəsinə həyatının bu yeni mərhələsində uğurlar arzulayır".

İtaliyalı mütəxəssisin yaxın günlərdə Braziliya millisinə baş məşqçi təyin olunacağı gözlənilir. "Real Madrid"in sükanı arxasına isə "Bayer Leverkuzen"dən ayrılan Xabi Alonso gətiriləcək.