Kilian Mbappedən qalmaqallı “vida”: PSJ prezidenti ilə dava etdi

PSJ-nin hücumçusu Kilian Mbappe klub prezidenti Nasser Əl-Xəlaifi ilə dalaşıb.

İnsident Fransa Liqa 1-in 33-cü turunda PSJ və “Tuluza” komandalarının qarşılaşdığı (1:3) matçdan əvvəl yaşanıb.

Komandalar Parisdəki “Park de Prens” stadionunda çıxış ediblər.

Matçdan əvvəl Əl-Xəlaifi Mbappe ilə görüşüb və Kiliandan niyə vida videosunda onun adını xüsusi qeyd etmədiyini soruşub. Bundan sonra dava düşüb və qışqırıqlar eşidilib.

Xatırladaq ki, Mbappe 2017-ci ildən Paris klubunda çıxış edir. Forvard bu yay azad agent kimi komandadan ayrılacaq.

Mənbə: Championat.com