La Liqa: "Atletiko" "Real Madrid"i geridə qoydu

"Atletiko" doğma meydanda "Alaves"lə görüşdə əzmkar qələbə qazanıb.

Oxu.Az xəbər verir ki, İspaniya çempionatının 14-cü turunun matçı Madriddə baş tutub.

Qonaqlar 7-ci dəqiqədə penaltidən hesabı açıblar. Madridlilər yalnız 76 və 86-cı dəqiqələrdə fərqlənərək geridönüş etməyi bacarıblar - 2:1.

Bu nəticədən sonra "Atletiko" 29 xal toplayıb və "Real Madrid"i (27 xal) La Liqada 2-ci pillədən kənarlaşdırıb.

Bununla belə, Dieqo Simeonenin komandası kral klubundan iki oyun çox keçirib. "Alaves" 13 xalla 16-cı yerdədir.