Mbappe Parisdə keçiriləcək Olimpiya Oyunlarında iştirak etməyəcək: Yığmaya daxil edilmədi

Fransalı futbolçu Kilian Mbappe 2024-cü ildə Parisdə keçiriləcək Olimpiya Oyunlarında iştirak etməyəcək.

Bu barədə ispan jurnalist Arança Rodriqes "El Partidazo de COPE" proqramında bildirib.

Belə ki, forvard cari mövsümün sonunda PSJ-ni tərk edəcəyi ilə bağlı keçən həftə açıqlama verib. Mbappenin karyerasını "Real Madrid"də davam etdirəcəyi gözlənilir.

Jurnalistin məlumatına görə, futbolçu avqustda İspaniya komandasının heyətində olmalıdır.

Daha əvvəl yayılan məlumatlarda isə Fransa Prezidenti Emmanuel Makronun "Real Madrid"in prezidenti Florentino Pereslə Mbappenin Olimpiadada iştirakı məsələsini müzakirə edəcəyi bildirilirdi.

KİV-in yazdığına görə, Madrid klubu daha əvvəl Fransa Futbol Federasiyasını xəbərdar edib ki, fransalı futbolçuları Olimpiadaya buraxmaq niyyətində deyil. Həmçinin Ferlan Mendi, Eduardo Kamavinqa və Orelyen Çuameni də Madrid klubunda çıxış edirlər.

Paris Olimpiadası iyulun 26-dan avqustun 11-dək keçiriləcək.

Mənbə: Matchtv.ru