"Qalatasaray" "Verder Bremen"in Derrik Köhnü transfer etmək üçün irəli sürdüyü 3.5 milyon avroluq təklifini rədd edib.
Oxu.Az "Bild"ə istinadən xəbər verir ki, iyunda futbolçu İstanbul klubuna geri qayıtmalıdır.
Köhn 2024-cü il avqust ayından "Verder"də icarə əsasında çıxış edir.
Onun "Qalatasaray"la müqavilə müddəti 2026-cı il iyun ayına qədərdir.
Qeyd edək ki, 26 yaşlı sol cinah müdafiəçisi ötən mövsüm Bremen klubunda 30 oyun keçirib, 4 qol, 2 məhsuldar ötürmə və 2 sarı vərəqə alıb.
