Türkiyə Superliqasının 9-cu turunda "Qalatasaray" - "Fənərbağça" derbisi baş tutub.
Oxu.Az xəbər verir ki, görüş ev sahiblərinin qələbəsi ilə yekunlaşıb - 2:1.
Matçda hesabı 29-cu dəqiqədə Viktor Osimhen açıb. Nigeriyalı hücumçu 44-cü dəqiqədə dubla imza ataraq, "Qalatasaray"ın üstünlüyünü iki topa çıxarıb.
İrfan Kahveci 62-ci dəqiqədə buraxılan qollardan birinin əvəzini çıxıb. "Fənərbağça"nın bundan artığına gücü çatmayıb.
Bu nəticə ilə xal ehtiyatını 22-yə çatdıran "Qalatasaray" turnir cədvəlinin ilk pilləsində qərarlaşıb. 16 xalda qalan "Fənərbağça" 5-ci yeri tutur.
Qaynar xətt:
(055) 224 12 12
