Avstriyada təlim-məşq toplanışında olan "Qarabağ" "Tvente" klubu ilə gün ərzində ikinci oyununu keçirib.
Oxu.Az xəbər verir ki, ikinci qarşılaşma niderlandlıların qələbəsi ilə başa çatıb - 1:2.
"Köhlən atlar" bu gün ilk matçda bu rəqibə qalib gəlmişdi - 3:2.
Avstriyada təlim-məşq toplanışında olan "Qarabağ" klubu növbəti yoxlama oyununda qalib gəlib.
Oxu.Az xəbər verir ki, Qurban Qurbanovun baş məşqçisi olduğu kollektiv Niderland təmsilçisi "Tvente"ni məğlub edib.
Qarşılaşma Ağdam təmsilçisinin 3:2 hesablı qələbəsi ilə bitib.
"Köhlən atlar" bu gün eyni komanda ilə daha bir oyun keçirəcək.
Azərbaycan çempionu Avstriyadakı ilk qarşılaşmada Ukraynanın "Metallist" (Xarkov) kollektivinə 4:5 hesabı ilə uduzub, Bakıdakı yoxlama matçında isə "Zirə"ni 4 cavabsız qolla üstələyiblər.
Qeyd edək ki, "Qarabağ" UEFA Çempionlar Liqasının II təsnifat mərhələsində "Şelburn" (İrlandiya) - "Linfild" (Şimali İrlandiya) cütünün qalibi ilə qarşılaşacaq. Bu raundun ilk görüşü iyulun 22-23-də, cavab qarşılaşması 29-30-da baş tutacaq.
Son Azərbaycan çempionu "Qarabağ" bu gün Avstriyada keçirilən təlim-məşq toplanışında daha bir rəqibi ilə üz-üzə gələcək.
Oxu.Az xəbər verir ki, "köhlən atlar" Niderland təmsilçisi "Tvente" ilə eyni gündə iki görüşə çıxacaq.
Qarşılaşmalardan biri Bakı vaxtı ilə saat 17:00-da, digəri isə 19:15-də start götürəcək.
Qeyd edək ki, "Qarabağ" daha öncə "Metalist" klubu ilə qarşılaşıb. Görüş rəqibin 5:4 hesablı qələbəsi ilə başa çatıb.
Xatırladaq ki, "Qarabağ" Avstriyadakı təlim məşq toplanışının sonuncu yoldaşlıq matçında "Zalsburq" klubu ilə üz-üzə gələcək. Həmin oyun isə iyul ayının 15-də Bakı vaxtı ilə saat 18:00-da start götürəcək.
Komandamızın təlim-məşq toplanışı isə iyul ayının 16-da başa çatacaq.
