“Real Madrid” Toni Kroosla müqaviləni yenilədi

“Real Madrid” futbolçusu Toni Kroosla yeni müqavilə imzalayıb.

İspaniya klubunun rəsmi saytının yaydığı məlumata görə, 33 yaşlı yarımmüdafiəçi 2024-cü ilin yayınadək komandanın formasını geyinəcək.

Qeyd edək ki, 2014-cü ildən “Real Madrid”də çıxış edən almaniyalı oyunçu “kral klubu” ilə 3 dəfə La Liqanın, 4 dəfə Çempionlar Liqasının, eyni sayda UEFA Super Kubokunun, 5 dəfə klublararası dünya çempionatının, 1 dəfə İspaniya Kubokunun, 3 dəfə isə İspaniya Super Kubokunun qalibi olub.