Ronaldunun qolu "Ən-Nəsr"ə kömək etmədi

Səudiyyə Ərəbistanı Pro Liqasının 13-cü turunda Kriştianu Ronaldunun çıxış etdiyi "Ən-Nəsr" "Əl-İttihad"ın qonağı olub.

Oxu.Az xəbər verir ki, qarşılaşma 2:1 hesabı ilə meydan sahiblərinin xeyrinə başa çatıb.

55-ci dəqiqədə "Əl-İttihad"ın hücumçusu Kərim Benzema hesabı açıb. "Ən-Nəsr"in cavab qolunu iki dəqiqə sonra Kriştianu Ronaldu vurub. Meydan sahiblərinə qələbə qazandıran qolu 90+1-ci dəqiqədə Stiven Berqveyn vurub - 2:1.

Keçirilən 13 matçdan sonra "Əl İttihad" 36 xalla Pro Liqanın turnir cədvəlinə başçılıq edir. "Ən-Nəsr" 25 xalla dördüncü pillədə qərarlaşıb.