"Şerif"in baş məşqçisi: "Sabahkı oyunda revanş üçün çalışacağıq"

"Sabahkı oyunda revanş üçün çalışacağıq".

Oxu.Az xəbər verir ki, bu sözləri "Şerif"in baş məşqçisi Yuri Qura UEFA Avropa Liqasının I təsnifat mərhələsində "Zirə" ilə Bakıda keçiriləcək oyunöncəsi mətbuat konfransında deyib.

"Əlimizdən gələni edəcəyik. Rəqib barədə ilk oyundan öncə ötən mövsüm "Qəbələ"də çıxış edən, hazırda isə bizdə oynayan Əyyub Allaşdan məlumat almışam. Eləcə də "Zirə"nin baş məşqçisi Rəşad Sadıqov futbolçu kimi "Qarabağ"ın heyətində "Şerif"ə qarşı oyunlar keçirib. Köməkçi məşqçim onunla Türkiyədə komanda yoldaşı olub. Buna görə onu çox yaxşı analiz etmişik və məlumat toplamışıq".

Qeyd edək ki, iyulun 18-də "Dalğa Arena"da keçiriləcək "Zirə" - "Şerif" matçı saat 20:00-da başlayacaq. İlk oyunda Bakı klubu 1:0 hesablı qələbə qazanıb. Bu cütün qalibi II təsnifat mərhələsində "Elfsborq" (İsveç) - "Pafos" (Kipr) görüşünün güclüsü ilə qarşılaşacaq.

Anar Həsənov