"Srvena Zvezda" ilə görüşdə zədələnən Kubarsinin üzünə tikiş qoyulub

UEFA Çempionlar Liqasında Serbiyada "Srvena Zvezda"nı 5:2 hesabı ilə məğlub edən "Barselona"nın gənc oyunçusu Pau Kubarsinin zədəsi ciddi olub.

Oxu.Az xəbər verir ki, matçın 67-ci dəqiqəsində gənc futbolçunun üzünə endirilən zərbə Kubarsinin meydanı tərk etməsi ilə nəticələnib.

Rəqib oyunçu butsu ilə onun başına zərbə endirib. Kubarsi dərhal meydanı tərk edib. Oyundan sonra futbolçunun üzünə bir neçə tikiş qoyulub.

Qeyd edək ki, "Barselona" dörd turdan sonra turnir cədvəlində doqquz xalla altıncıdır.