Türkiyə Super Liqasında XXVIII tura yekun vurulub.
Oxu.Az xəbər verir ki, bağlanış matçında çempionluğa oynayan “Fənərbağça” “Fatih Karagümrük”ün qonağı olub. Oyun “Fənər”in 2:1 hesablı qələbəsi ilə başa çatıb. Hesabı ilk yarıda meydan sahibləri açsalar da, qonaq komanda fasilədən sonra geridönüş etməyi bacarıb.
Xallarını 57-yə yüksəldən “Fənərbağça” 2-ci pilləni “Beşiktaş”dan təhvil alıb və lider “Qalatasaray”la fərqi 6 xala endirib. “Karagümrük” isə 34 xalla 9-cudur.
