“Tottenhem”dən qələbə, “Çelsi” rəqibi ilə bacarmadı - VİDEO

İngiltərə Premyer Liqasında 30-cu turun oyunları keçirilir.

Oxu.Az xəbər verir ki, “Tottenhem” “Luton Taun”a çətinliklə qalib gəlib - 2:1.

Matçın ilk qolu üçüncü dəqiqədə vurulub. “Luton”un yarımmüdafiəçisi Tahit Çonq hesabı açıb. 51-ci dəqiqədə qonaqların müdafiəçisi İssa Kabore topu öz qapısına göndərərək hesabı bərabərləşdirib. 86-cı dəqiqədə koreyalı hücumçu Son Hın Minin qolu isə ev sahiblərinə qələbə gətirib.

Bu qələbədən sonra londonlular 56 xal toplayıblar. Komanda çempionat cədvəlində dördüncü pilləyə yüksəlib. “Luton” isə 22 xalla 18-ci yerdədir.

“Çelsi” evdə “Börnli” ilə heç-heçə edib - 2:2. Londonluların heyətində Koul Palmer dubla imza atıb. Qonaqların qollarını Coş Kallen və Dara O'Şi vurub. “Börnli” 43-cü dəqiqədən on nəfərlə qalıb.

Hazırda “zadəganlar”ın 40 xalı var və Premyer Liqa cədvəlində 11-ci yerdədirlər. “Börnli” isə 18 xalla 19-cudur.