Türkiyə Superliqası: "Fənərbağça" "Qalatasaray"la arasındakı xal fərqini azaltdı

Türkiyə Superliqasında "Fənərbağça" lider "Qalatasaray"la arasındakı xal fərqini azaldıb.

Oxu.Az xəbər verir ki, ölkə çempionatının XIV turunda doğma meydanda "Qaziantepspor"u qəbul edən "Fənərbağça" 3:1 hesablı qələbə qazanıb.

Digər İstanbul təmsilçisi "Beşiktaş" isə səfərdə "Hatayspor"la heç-heçəyə razılaşıb - 1:1.

Qeyd edək ki, ötən gün turnir cədvəlinin vahid lideri "Qalatasaray" "Eyüpspor"la 2:2 hesabı ilə heç-heçə etmişdi.

Bu turdan sonra "Qalatasaray" 35 xalla liderliyini davam etdirir. "Fənərbağça" 32 xalla ikinci yerdədir. 22 xal toplamış "Beşiktaş" isə beşinci sırada qərarlaşıb.