Türkiyə Futbol Federasiyasının (TFF) baş katibi Abdullah Ayaz tutduğu vəzifəni tərk edib.
Oxu.Az xəbər verir ki, bu barədə TFF-nin rəsmi saytında məlumat verilib.
"Abdullah Ayaz vəzifəsindən getməsi ilə bağlı istefa ərizəsini quruma təqdim edib. İndiyədək göstərdiyi fədakar fəaliyyətinə görə minnətdarlığımızı bildirir və gələcək karyerasında ona uğurlar arzulayırıq", - deyə rəsmi açıqlamada bildirilib.
Qeyd edək ki, Türkiyə futbolunda "Hakimlər işi" adlı böyük qalmaqal yaşanır. Daha əvvəl TFF-nin Hakimlər Komitəsinin sədri Ferhat Gündoğdu hakimlərlə bağlı araşdırma çərçivəsində həbs edilməsindən sonra vəzifəsindən istefa verib.
Qaynar xətt:
(055) 224 12 12
