UEFA Avropa Liqasında ilk turun oyunlarına start verilib.
Oxu.Az xəbər verir ki, ilk gündə doqquz qarşılaşma baş tutub.
"Qalatasaray" doğma meydanda PAOK-la üz-üzə gəlib. "Cim-bom" iki top fərqi ilə matçdan qalib ayrılıb - 3:1.
Hesabı aftoqolla yunanların futbolçusu açıb. Sonradan PAOK bərabərlik topunu vursa da, matçın sonlarına yaxın İstanbul klubunun heyətində Akgül və İkardi fərqlənərək qələbəni təmin ediblər.
Daha bir görüşdə "Mançester Yunayted" "Tvente" ilə qarşılaşıb. "Qırmızı şeytanlar" hesabda üstün olsalar da, sonda bir xala razılaşıblar - 1:1.
Digər oyunlar isə aşağıdakı kimi nəticələnib:
"AZ Alkmaar" (Niderland) - "Elfsborq" (İsveç) - 3:2
"Budo-Qlimt" (Norveç) - "Portu" (Portuqaliya) - 3:2
"Dinamo" (Kiyev, Ukrayna) - "Latsio" (İtaliya) - 0:3
"Ludoqorets" (Bolqarıstan) - "Slaviya" (Praqa, Çexiya) - 0:2
"Midtüllann" (Danimarka) - "Hoffenhaym" (Almaniya) - 1:1
"Nitsa" (Fransa) - "Real Sosyedad" (İspaniya) - 1:1
"Anderlext" (Belçika) - "Ferentsvaroş" (Macarıstan) - 2:1
Rəylər