UEFA Avropa Liqasında ingilis finalı

UEFA Avropa Liqasında finala yüksələn komandalar bəlli olub.

Oxu.Az xəbər verir ki, "Budyo Qlimt" klubu "Tottenhem"i, "Mançester Yunayted" isə "Atletik Bilbao"nu qəbul edib.

London təmsilçisi 0:2 hesabı ilə (ümumi hesab 1:5) meydan sahiblərindən üstün olub və adını finala yazdırıb.

"Qırmızı şeytanlar" isə 4:1 hesabı ilə (ümumi hesab 7:1) ispanları darmadağın edib və həlledici oyunda mübarizə aparmaq hüququ qazanıb.

Beləliklə də, Avroliqanın builki finalında ingilis dueli olacaq.

Xatırladaq ki, "Budyo Qlimt" ilə "Tottenhem" arasında keçirilən ilk oyun İngiltərə klubunun 3:1 hesablı qələbəsi ilə başa çatıb. Digər İngiltərə təmsilçisi "Mançester Yunayted" isə "Atletik Bilbao"nu səfərdə 3:0 hesabı ilə məğlub edib.

Qeyd edək ki, turnirin final qarşılaşması mayın 21-də baş tutacaq.