UEFA Çempionlar Liqasının əsas mərhələsində dördüncü turun son oyunları keçirilib.
Oxu.Az xəbər verir ki, maraqla gözlənilən matçlardan biri "Ayaks" və "Qalatasaray" komandaları arasında baş tutub.
Görüş "Qalatasaray"ın inamlı qələbəsi ilə başa çatıb - 0:3. Viktor Osimhen matçda het-trikə imza atıb. O, qollarının ikisini penaltidən vurub.
Bu nəticədən sonra İstanbul təmsilçisi xallarının sayını doqquza çatdırıb. "Ayaks" isə xal üzünə həsrət qalıb.
"Mançester Siti" isə "Borussiya Dortmund"u darmadağınla məğlub edib - 4:1. Bu nəticə ilə İngiltərə təmsilçisinin aktivində 10, Almaniya təmsilçisinin isə 7 xalı var.
Digər görüşlərdə qeydə alınmış nəticələri təqdim edirik:
"Qarabağ" - "Çelsi" - 2:2;
"Pafos" - "Vilyarreal" - 1:0.
"Brügge" - "Barselona" - 3:3;
"Benfika" - "Bayer Leverkuzen" - 0:1;
"İnter" - "Kayrat" - 2:1;
"Marsel"- "Atalanta" - 0:1;
"Nyukasl Yunayted" - "Atletik Bilbao" - 2:0.
