Çempionlar Liqası: "Yuventus"dan qələbə, türkiyəli futbolçu Del Pyeronun rekordunu qırdı

UEFA Çempionlar Liqasının Liqa mərhələsinə altı görüşlə start verilir.

Oxu.Az xəbər verir ki, bu görüşlərdən ikisi artıq başa çatıb.

İlk oyun günündə "Yuventus" PSV ilə qüvvəsini sınayıb. Turin təmsilçisi doğma meydanda Niderland klubunu üstələyib - 3:1.

"Qoca Sinyora"nın heyətində çıxış edən Türkiyə millisinin yarımmüdafiəçisi Kənan Yıldız Çempionlar Liqasında "Yuventus"un tarixində ən gənc qol vuran futbolçu kimi yadda qalıb. O, 21-ci dəqiqədə komandasının ilk qolunu vurmaqla 19 yaş 136 günündə fərqlənib. Türkiyəli futbolçu 1995-ci ildə 20 yaş 308 gündə qol vuran Alessandro Del Pieronun nailiyyətini geridə qoyub.

Bu matçda "Yuventus" Çempionlar Liqasındakı ən gənc heyətini PSV-yə qarşı çıxarıb. Belə ki, bugünkü qarşılaşmada komandanın orta yaşı 25 yaş 149 gündür.

Digər görüşdə "Yanq Boyz" "Aston Villa" ilə üz-üzə gəlib. Qonaqlar ev sahiblərinə şans verməyiblər. - 0:3. Qarşılaşma ərzində ingilislər iki penaltini qaçırıblar.

08:00

UEFA Çempionlar Liqasının Liqa mərhələsinə bu gün keçiriləcək altı görüşlə start veriləcək.

Oxu.Az xəbər verir ki, ilk oyun günündə "Yuventus" PSV ilə, "Yanq Boyz" "Aston Villa" ilə saat 20:45-də üz-üzə gələcək.

"Milan" "Liverpul" ilə, "Bavariya" "Dinamo Zaqreb" ilə, "Real Madrid" "Ştutqard" ilə, "Sportinq" isə "Lill" ilə saat 23:00-da qarşılaşacaq.

17 sentyabr

UEFA Çempionlar Liqası

Liqa mərhələsi

I tur oyunları

Saat 20:45, "Yuventus" - PSV

Saat 20:45, "Yanq Boyz" - "Aston Villa"

Saat 23:00, "Milan" - "Liverpul"

Saat 23:00, "Bavariya" - "Dinamo Zaqreb"

Saat 23:00, "Real Madrid" - "Ştutqard"

Saat 23:00, "Sportinq" - "Lill"