UEFA “Partizan”la oyunda baş verənlərə görə “Neftçi”ni cəzalandırıb.
Oxu.Az Publika.az-a istinadən xəbər verir ki, matçın komissarının qeydlərini nəzərə alan UEFA, “Neftçi” - “Partizan” oyunu ilə bağlı rəsmi mövqeyini açıqlayıb.
“Neftçi” klubu azarkeşlərinin hərəkətinə görə 15 000 avro pul cəzasına məruz qalıb.
Qeyd edək ki, matçdan bir gün öncə “Neftçi” azarkeşləri “Partizan”ın avtobusunun şüşəsini sındırmışdı. Məsələyə hətta Serbiyanın ölkəmizdəki səfiri də qarışaraq, həmyerlilərinin təhlükəsizliyinə təminat istəmişdi.
