Van Bronkhorst "Liverpul"a qoşulacaq

Hollandiyalı mütəxəssis Covanni van Bronkhorst Arne Slotun "Liverpul"dakı məşqçilər korpusuna qoşulacaq.

Oxu.Az-n məlumatına görə, bu barədə "The Times" xəbər verir.

Mənbənin məlumatına əsasən, "Barselona", "Arsenal" və Hollandiya millisinin sabiq müdafiəçisi "Liverpul"da Con Heytinqanı əvəz edəcək. Slotun köməkçisi işləyən Heytinqa Amsterdam "Ayaks"ının baş məşqçisi olacaq.

Van Bronkhorstun son iş yeri 2024-cü ilin noyabrında tərk etdiyi Türkiyə nəhəngi "Beşiktaş" olub. Bundan əvvəl 50 yaşlı mütəxəssis Hollandiyanın "Feyenord" və Şotlandiyanın "Reyncers"inə rəhbərlik edib.