Fransa millisinin baş məşqçisi Zinəddin Zidan gələcəkdə "Yuventus"un sükanı arxasına keçə biləcəyini bildirib.
Oxu.Az xəbər verir ki, mütəxəssis bu barədə "RMC Sport"a açıqlama verib.
Zidan Turində futbolçu olduğu dövrdə baş məşqçisi olmuş Marçello Lippinin ona verdiyi dəstəkdən söz açıb:
"Lippi mənə bir şeyi öyrətdi: daim irəli getmək lazımdır. Turinə gələndə yaxşı oynamırdım, buna görə də mətbuat və azarkeşlər səviyyəmə uyğun olmadığımı düşünürdülər. Lippi onun rəhbərliyi altında çıxış etməli olduğumu dedi və mən də özümü yaxşı tərəfdən göstərə bildim. Gələcəkdə "Yuventus"un baş məşqçisi olmaq? Niyə də yox?"
Qeyd edək ki, Zidan 1996-2001-ci illərdə Turin klubunun formasını geyinib. 54 yaşlı mütəxəssis ötən yay Fransa millisinə baş məşqçi təyin olunub. Onun müqaviləsi 2030-cu ilin yayına qədər qüvvədədir.
