Almaniyanın Bonn şəhərində Azərbaycanın ev sahibliyi edəcəyi COP29-a hazırlıqla bağlı müvafiq sənədlərin imzalanması mərasimi keçirilib.
Oxu.Az xəbər verir ki, bu barədə COP29-un "X" səhifəsində paylaşım edilib.
İmzalanma mərasimində COP29-un prezidenti Muxtar Babayev və Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının icraçı katibi Saymon Still iştirak ediblər.
Mərasimdən sonra tərəflər arasında Azərbaycanı COP29-un ev sahibi kimi statusunu təsdiqləyən məktub mübadiləsi aparılıb.
Bildirilib ki, hazırda Azərbaycanda tədbir yerinin hazırlanması, iştirakçıların yerləşdirilməsi, təhlükəsizlik, protokol və sairə olmaqla kompleks məsələlər üzərində böyük komanda ilə iş aparılır.
#COP29 President-Designate Mukhtar Babayev and @UNFCCC Executive Secretary @SimonStiell attended a signing ceremony and exchanged letters, reaffirming Azerbaijan’s status as the host country for this year’s @UN Climate Conference. #COP29Azerbaijan #JuneClimateMeetings pic.twitter.com/fFLKpOF2iW
— COP29 AZ (@COP29_AZ) June 7, 2024