2015-ci ilin yanvar-fevral ayları ərzində Azərbaycana 7 511 avtomobil idxal olunub. Bu da 2014-cü ilin müvafiq dövrü ilə müqayisədə 5 651 ədəd və ya 43% azdır.
Oxu.Az-a bu barədə Dövlət Gömrük Komitəsindən məlumat verilib.
2015-ci ilin yanvar-fevral ayları ərzində 119 ədəd sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri (avtobuslar), 7031 ədəd minik avtomobilləri və digər motorlu nəqliyyat vasitələri, 339 ədəd yük daşımaq üçün motorlu nəqliyyat vasitələri və 22 ədəd xüsusi təyinatlı motorlu nəqliyyat vasitələri idxal olunub.
Qeyd edək ki, avtomobil idxalının azalması ötən ildən tətbiq olunmağa başlayan Avro 4 standartına keçid, kreditlərin sərtləşdirilməsi və aksiz vergisinin dərəcələrinin artırılması ilə bağlıdır.
www.oxu.az
