2014-cü il Noyabrın 1-də əhalinin banklardakı əmanətləri keçən ilin müvafiq dövrünə nisbətən 11,1 faiz artıb.
Oxu.Az-a bu barədə Dövlət Statistika Komitəsindən məlumat verilib.
Belə ki, əhalinin banklardakı əmanətləri 7 milyard manat təşkil edib. Xatırladaq ki, onların 4,4 milyard manatı milli valyuta ilə, 2,6 milyard manatı isə xarici valyuta ilə qoyulub.
Noyabrın 1-nə kimi ölkənin maliyyə-kredit təşkilatları 17,8 milyard manat məbləğində kredit verib, kreditlərin 79,2 faizi uzunmüddətli olub, 5,3 faizinin (917 milyon manat) ödəmə vaxtı keçib.
