Ən son xəbərləri bizim "X" səhifəmizdə izləyin

"Haber Global": Avropa Rusiyanın qazına geri qayıdır
ABŞ Prezidenti Donald Trampın Avropaya gömrük rüsumlarının artırılması ilə bağlı açıqlamaları qitədə ciddi narahatlıq yaratmağa davam edir. Xüsusilə, Rusiya-Ukrayna müharibəsindən sonra enerji sahəsində baş verən hadisələr Avropa İttifaqını (Aİ) çətin bir vəziyyətə salıb.
Oxu.Az-ın verdiyi məlumata görə, bu barədə "Haber Global"da hazırlanan süjetdə bildirilib.
Qeyd edilir ki, müharibənin başlaması ilə Aİ-nin ən böyük təbii qaz təchizatçısı olan Rusiyaya qarşı sanksiyalar tətbiq edilib. Bu isə tərəflər arasındakı qaz ticarətini, demək olar ki, dayandırıb.
Yaranan vəziyyət Avropa ölkələrini alternativ enerji mənbələri axtarmağa vadar edib. Aİ ölkələri ABŞ və Qətərdən mayeləşdirilmiş təbii qaz (LNG) idxal etməyə başlayıb. Ancaq LNG-nin qiyməti boru xətti ilə nəql olunan qazla müqayisədə xeyli bahadır. Almaniya başda olmaqla bir sıra Avropa ölkələrində artan enerji xərcləri və Trampın açıqlamaları qitənin ABŞ-dən asılılığı ilə bağlı narahatlıqları artırıb.
Dərinləşən enerji böhranı fonunda Almaniyanın bəzi sənaye şirkətləri Rusiyadan qaz idxalının bərpa olunmasını tələb ediblər.
Ətraflı süjetdə:

"ABŞ-nin gömrük rüsumları" teqi üzrə xəbərlər
- Norveç və İslandiya Avropa İttifaqına daxil olmağı müzakirə edirlər
- ABŞ Çin mallarına rüsumları azalda bilər
- Avropa Meloninin Trampla görüşündən narahatdır
- "Honda Motor" şirkəti Kanadadan istehsalı köçürəcəyi ilə bağlı iddialara cavab verdi
- Çin nadir torpaq metallarının ixracını dayandırır: Avtomobil sektoruna yeni zərbə