ABŞ-li sahibkar İlon Mask tərəfindən təsis edilən "SpaceX" kosmik şirkətinin bazar dəyəri cəmi bir gün ərzində 400 milyard dollar aşağı düşüb.
Oxu.Az xəbər verir ki, bu göstəricilər birja hərraclarının məlumatlarında öz əksini tapıb.
İyunun 22-də keçirilən hərracların nəticələrinə görə, şirkətin qiymətli kağızları 16.43% dəyər itirərək bir səhm üçün 185 dollardan 154.6 dollara enib. Kotirovkaların ucuzlaşması fonunda "SpaceX"in ümumi kapitallaşması bir gün əvvəlki 2.437 trilyon dollarla müqayisədə 2.037 trilyon dollara qədər azalıb.
Qeyd edək ki, "SpaceX" iyunun 12-də birja bazarına daxil olub. Şirkətin səhmlərinin ilkin kütləvi yerləşdirilməsi (IPO) cəlb olunan vəsaitin miqyasına görə tarixdə ən böyük olub.
Qaynar xətt:
(055) 224 12 12
