"Ölkəmizdə "Temu" ilə bağlı 300 dollar mövcud limit mövcuddur. Bu limitdə dəyişiklik edilməyəcək. Qonşu ölkələrə baxsaq, Türkiyə, Avropa və s. dövlətlərdə limitlər azaldılıb və ya ləğv olunub. Amma bizim ölkədə limit dəyişmir".
Oxu.Az xəbər verir ki, sözügedən məsələ barədə Milli Məclisin İqtisadi siyasət, sənaye və sahibkarlıq komitəsinin bugünkü iclasında Dövlət Gömrük Komitəsinin sədri Şahin Bağırov çıxışında qeyd edib.
O bildirib ki, vətəndaşlar bir ay ərzində bu limitdən istifadə edirlər:
"Bizdə 1.2 milyon insan elektron ticarətlə məşğul olur. Bu 2025-ci ilin statistikasıdır. 18 milyon da gömrük bəyannaməsi olub. Elektron ticarətin həcmi artıb. Bəzən insanlar elektron ticarət mövzusunda sui-istifadə hallarına yol verirlər. Yəni bir adam özünün ticarət etdiyi həcmdə mal alır və hissələrə bölür, ya da müxtəlif insanların adına bölərək gətirir.
"Temu" məsələsinə gəldikdə isə, Azərbaycanda birdən-birə "Temu"dan alınan yüklərin həcmi artdı. Bizə elektron məlumat verilmədən, birdən-birə süni şəkildə yüklər gətirilib hava limanına qoyuldu. Hava limanına gələn əmlakı isə yoxlamaq lazımdır. Birdən birə yüklər 400 tona qalxdı. Bunu yoxlamaq lazımdır. Başqa məqsədlər üçün də gətirilə bilər. Biz dəqiqliklə yoxlamasaq, deyəcəklər gömrük baxmır.
"Temu" ilə bağlı məsələ isə iki həftə ərzində həll oldu. "Temu"dan gətirilən məhsulların gömrük gecikməsi oldu, amma artıq öz resurslarımızla o məsələni həll etdik".
