Azərbaycanda tanınmış həkimin qızı ərini öldürüb doğradı - Dəhşətli qətlin TƏFƏRRÜATI

Salyan rayonunun Yeni Uluxanlı kəndində dəhşətli qətl hadisəsi baş verib. 38 yaşlı Mətanət Hüseynova həyat yoldaşı Röyal Hüseynovu amansızcasına qətlə yetirib.

Belə ki, Mətanət Hüseynova aralarında yaranmış mübahisə zamanı Röyal Hüseynova ov tüfəngi ilə atəş açaraq onun həyatına son qoyub.

Cinayəti ört-basdır etmək məqsədilə ertəsi gün meyiti hissələrə bölərək yaxınlıqdakı kollektora atıb.

"Qardaşım dekabrın 17-dən itkin düşüb, yoldaşı bunu bizə ayın 19-u deyib. Polislərə müraciət etdik, tapdılar. Həyat yoldaşı çox yalanlar danışırdı, buna görə də ona inanmırdım. Üç övladları var, bir balasını balaca qardaşım yanında saxlayır. Aralarında münaqişə olurdu, dolana bilmirdilər. O qadının atası da qızından imtina edib", - deyə mərhumun qardaşı jurnalistlərə açıqlamasında söyləyib.

Qeyd edək ki, faktla bağlı Salyan Rayon Prokurorluğunda Cinayət Məcəlləsinin 120.1-ci maddəsi (qəsdən adam öldürmə) üzrə cinayət işi açılıb. Mətanət Hüseynova polis əməkdaşları tərəfindan saxlanılaraq istintaqa təhvil verilib və Prokurorluq tərəfindən şübhəli şəxs qismində tutulub.

Mətanət Hüseynova və iki yeniyetmə övladının hazırda polis nəzarətində olduğu və istintaqın davam etdiyi bildirilir.

Ətraflı Baku TV-nin süjetində:

Azərbaycanda tanınmış həkimin qızı ərini öldürüb doğradı - Dəhşətli qətlin TƏFƏRRÜATI

07 yanvar, 13:38

Salyan Rayon Prokurorluğu və rayon polis şöbəsi əməkdaşlarının birgə fəaliyyəti nəticəsində ötən il dekabrın 18-də itkin düşmüş Salyan rayon sakini, 1984-cü il təvəllüdlü Röyal Hüseynovun qətli ilə bağlı bəzi təfərrüat məlum olub.

Oxu.Az xəbər verir ki, hadisə ilə bağlı teleqraf.com-a danışan Yenikənd kəndinin bələdiyyə sədri Məsabə Abasov bildirib ki, Mətanət Hüseynova və Röyal Hüseynov Yenikənd sakinləridir:

"İllər əvvəl onlar bir-birinə qoşulub qaçıblar. Yeniyetmə yaşında iki oğlan, bir qız övladları var. Bu ailə uzun illərdir ki, müxtəlif fermalarda çalışıblar. Bu səbəbə görə onlar Yenikənddə xeyli vaxtdır yaşamırdılar".

Bələdiyyə sədrinin sözlərinə görə, R.Hüseynov həyat yoldaşını tez-tez döyüb təhqir edirmiş:

"Yazıq gəlin nə etsin? Əri hər gün ona işgəncə verirdi. Yəqin canını qurtarmaq üçün bu hadisəni törədib".

İddialara görə, Röyal Hüseynov içki və narkotik istifadəçisi olub. Ona görə də ailədə tez-tez münaqişə baş verib, həyat yoldaşını incidib. 15-20 gün bundan əvvəl kənddə məlumat yayılıb ki, Röyal evdən silah və pul götürüb, quş ovlamağa gedib və geri qayıtmayıb. Bundan sonra onun axtarışına başlanılıb:

"Qətli törədən Mətanət Hüseynova Neftçala rayon xəstəxanasının cərrahı, bölgədə tanınmış həkim Fədail Salmanovun qızıdır".

Neftçala rayon xəstəxanasının cərrahı Fədail Salmanov açıqlamasında bildirib ki, hadisə ilə bağlı heç bir məlumatı yoxdur:

"Mən onları 15 ildir ki, görmürəm. Onların harada yaşadıqlarını belə bilmirəm. Qızımın arxasınca getmək fikrim yoxdur. Mənim işim-gücüm var. Qanun var, qayda var. Dövlətin qurumları hər şeyi aydınlaşdıracaq. Kimin nə günahı varsa, cəzasını da çəkəcək. Mən heç nəvələrimi də görməmişəm. Heç bu gündən sonra görmək niyyətim də yoxdur. Səbəbi barədə heç nə deməyəcəm. Çünki səbəb yoxdur".

Qeyd edək ki, həyata keçirilmiş istintaq və əməliyyat-axtarış tədbirləri nəticəsində 17 dekabr 2024-cü il tarixdə 1986-cı il təvəllüdlü Mətanət Hüseynovanın Salyan rayonunun Yeni Uluxanlı kəndində işlədikləri fermada aralarında yaranmış mübahisə zamanı əri Röyal Hüseynova ov tüfəngi ilə atəş açaraq qəsdən öldürməsi, növbəti gün cinayət hadisəsini gizlətmək üçün meyiti hissələrə bölərək kənd ərazisindəki kollektora atmasına əsaslı şübhələr müəyyən edilib.

Röyal Hüseynovun meyitinin olduğu yer müəyyən olunaraq prokuror-kriminalistin və ekspertin iştirakı ilə çıxarılıb, iş üzrə zəruri ekspertizalar təyin olunmaqla intensiv istintaq-əməliyyat tədbirləri davam etdirilir.

10:28

İtkin düşmüş şəxsin qəsdən öldürülməsi müəyyən olunub.

Oxu.Az xəbər verir ki, bu barədə Baş Prokurorluq və Daxili İşlər Nazirliyinin birgə məlumatında deyilir.

Salyan rayon prokurorluğu və rayon polis şöbəsi əməkdaşlarının birgə fəaliyyəti nəticəsində ötən ilin dekabrın 18-də itkin düşmüş Salyan rayon sakini, 1984-cü il təvəllüdlü Röyal Hüseynovun qəsdən öldürülməsi müəyyən edilib.

Həyata keçirilmiş çoxsaylı istintaq və əməliyyat-axtarış tədbirləri nəticəsində 17 dekabr 2024-cü il tarixdə 1986-cı il təvəllüdlü Mətanət Hüseynovanın Salyan rayonunun Yeni Uluxanlı kəndində işlədikləri fermada aralarında yaranmış mübahisə zamanı əri Röyal Hüseynova ov tüfəngi ilə atəş açaraq qəsdən öldürməsi, növbəti gün cinayət hadisəsini gizlətmək üçün meyiti hissələrə bölərək kənd ərazisindəki kollektora atmasına əsaslı şübhələr müəyyən edilib.

Röyal Hüseynovun meyitinin olduğu yer müəyyən olunaraq prokuror-kriminalistin və ekspertin iştirakı ilə çıxarılıb, iş üzrə zəruri ekspertizalar təyin olunmaqla intensiv istintaq-əməliyyat tədbirləri davam etdirilir.

Faktla bağlı Salyan Rayon Prokurorluğunda Cinayət Məcəlləsinin 120.1-ci (qəsdən adamöldürmə) maddəsilə cinayət işi başlanıb, Mətanət Hüseynova polis əməkdaşları tərəfindən saxlanılaraq istintaqa təhvil verilib və prokurorluq tərəfindən şübhəli şəxs qismində tutulub.

Azərbaycanda tanınmış həkimin qızı ərini öldürüb doğradı - Dəhşətli qətlin TƏFƏRRÜATI

10:01

Salyanda polis dəhşətli cinayətin üstünü açıb.

Oxu.Az Lent.az-a istinadən xəbər verir ki, Salyan rayonu Yeni Uluxanlı kəndində itkin düşmüş kimi axtarışı aparılan 41 yaşlı Röyal Hüseynovun həyat yoldaşı tərəfindən öldürülməsi polis əməkdaşları tərəfindən müəyyən edilib.

1986-cı il təvəllüdlü Mətanət Hüseynova həyat yoldaşını ov tüfəngi ilə qətlə yetirdikdən sonra izi itirmək üçün cəsədi hissələrə ayıraraq kanala atıb. Cəsəd kanaldan çıxarılıb, aidiyyəti üzrə təhvil verilib.

Faktla bağlı araşdırma aparılır.