Tovuz rayonunun Qovlar şəhərində hamilə qadının bıçaqlanması hadisəsinin şahidləri baş verənləri danışıblar.
Oxu.Az "Xəzər" TV-yə istinadən xəbər verir ki, hadisə şəhərdəki çay evlərindən birində baş verib.
Şahidlərin sözlərinə görə, qadının qardaşı çay evinə daxil olaraq bacısına bıçaqla bir zərbə endirib.
Şahidlərdən biri bildirib ki, hadisə zamanı şübhəli şəxs bacısına "Sən mənim başımı yerə soxmusan" deyib. O, qadına daha çox xəsarət yetirməyə çalışıb, lakin ətrafdakı şəxslər müdaxilə edərək buna imkan verməyiblər.
Tovuzda 24 yaşlı qadın kafenin qarşısında bıçaqlanıb, hadisənin bəzi təfərrüatı məlum olub.
Oxu.Az-ın məlumatına görə, Tovuz rayon sakini, 2002-ci il təvəllüdlü Səbinə Rəşad qızı Məmmədli Qovlar şəhərində fəaliyyət göstərən kafelərdən birinin qarşısında mübahisə zəminində bıçaqlanıb.
Qadın Tovuz Rayon Mərkəzi Xəstəxanasına çatdırılıb və dərhal əməliyyata alınıb. Hamilə olduğu da bildirilən qadının vəziyyəti ağır qiymətləndirilir.
Hadisəni törətməkdə şübhəli bilinən şəxsin qadının qardaşı, 2007-ci il təvəllüdlü Ərşad Rəşad oğlu Məmmədli olduğu bildirilir.
İlkin məlumata görə, o, şəxsi münasibətlər zəminində bacısının bel nahiyəsinə bıçaqla bir zərbə endirib.
Şübhəli şəxs polis əməkdaşları tərəfindən saxlanılıb.
Qeyd edək ki, hər iki şəxs Tovuz rayonunun Düz Cırdaxan kəndində qeydiyyatdadır.
Faktla bağlı Tovuz Rayon Polis Şöbəsində araşdırma aparılır.
Yusuf Məmmədli
Tovuzda bıçaqlanan qadının son vəziyyəti açıqlanıb.
Oxu.Az-ın məlumatına görə, Tibbi Ərazi Bölmələrini İdarəetmə Birliyindən (TƏBİB) bildirilib ki, noyabrın 13-də saat 17 radələrində 2002-ci il təvəllüdlü qadın qarın boşluğunun kəsilmiş-deşilmiş yarası diaqnozu ilə Tovuz Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Vəziyyəti orta ağır qiymətləndirilən qadın dərhal əməliyyata götürülüb. Hazırda əməliyyat davam edir.
Yusuf Məmmədli
Tovuzda küçədə hamilə S.Məmmədlini bıçaqlamaqda şübhəli bilinən şəxs saxlanılıb.
Oxu.Az-ın əldə etdiyi məlumata görə, hadisəni törətməkdə şübhəli bilinən qadının qardaşı Ə.Məmmədzadə polisin keçirdiyi tədbirlərlə saxlanılıb.
Vəziyyətinin ağır olduğu bildirilir. Araşdırmalar davam etdirilir.
Samir Əli
Tovuzda hamilə qadın bıçaqlı hücuma məruz qalıb.
Oxu.Az "Qafqazinfo"ya istinadən xəbər verir ki, bıçaqlanan qadın hamilə olub. O, xəstəxanaya çatdırılıb.
Faktla bağlı araşdırma aparılır.
