Əlillik dərəcəsinin təyini və pensiyaların bərpası adı ilə vətəndaşların pulunu ələ keçirməkdə təqsdirləndirilən Ağsu xəstəxanasının vəzifəli şəxslərinin cinayət işi üzrə məhkəmə prosesi yekunlaşıb.
Oxu.Az-ın məlumatına görə, Bakı Ağır Cinayətlər Məhkəməsində hakim Elmin Rüstəmovun sədrliyi ilə keçirilən yekun prosesdə hökm oxunaraq xəstəxananın şöbə rəisi işləmiş Arif Talıbov və xəstəxananın həkim-nevroloqu Ehtibar Soltiyev hər biri 2 il sınaq müddəti olmaqla şərti azadlıqdan məhrum ediliblər.
Qeyd edək ki, "Ağsu Rayon Mərkəzi Xəstəxanası" publik hüquqi şəxsin Hemodializ şöbəsinin rəisi Arif Talıbov həmin şöbədə həkim-nefroloq vəzifəsində işləmiş Ehtibar Soltiyev və qeyriləri ilə qabaqcadan əlbir olaraq 2022-2023-cü illər ərzində əlillik dərəcəsinin təyin edilməsi və dayandırılmış pensiyanın bərpasına köməklik göstərilməsi ilə bağlı onlara müraciət etmiş ayrı-ayrı şəxslərin aldatma və etibardan sui-istifadə etmə yolu ilə ümumilikdə 126 min manatdan artıq pul vəsaitini ələ keçirilib.
İstintaq tədbirləri nəticəsində cinayət işi üzrə vurulmuş ziyandan 120 min manatın ödənilməsi təmin edilib.
Təqsirləndirilən Ehtibar Soltiyev və Arif Talıbova Cinayət Məcəlləsinin 178.3.2-ci (külli miqdarda ziyan vurmaqla dələduzluq) maddələri ilə ittiham irəli sürülüb.
Elgün Həsənli
