“Qara bazar”da reyd: İki nəfər saxlanıldı, biri qaçdı – VİDEO

Daxili İşlər Nazirliyinin əməkdaşları “28 May” metrostansiyasının ərazisində qanunsuz valyuta mübadiləsinə qarşı mütəmadi olaraq reydlər keçirir. Bu gün axşam saatlarında reyd zamanı qeyri-qanuni valyuta mübadiləsi ilə məşğul olan iki nəfər saxlanılıb.

Oxu.Az xəbər verir ki, musavat.com-un əməkdaşı əməliyyat anının şahidi olub.

Nəsimi Rayon Polis İdarəsinin 22-ci Polis Bölməsinin 10 saylı inzibati ərazi şöbəsinin əməkdaşları “qara bazar” alverçilərindən ikisini saxlayıblar. 

Etiraz etmədən polis əməkdaşı ilə birgə bölməyə getməyə razılaşan şəxslərdən biri qəfildən metro keçidinə düşərək aradan çıxıb. 

Qeyd edək ki, “qara bazar”ın fəaliyyət göstərməsi qanunla qadağandır.

S.B.
www.oxu.az