Bakıda, Üzeyir Hacıbəyov küçəsində yerləşən Sahil bağında qızı bıçaqlayan şəxslə bağlı cinayət işi açılıb.
Bu barədə Oxu.Az-a açıqlama verən Daxili İşlər Nazirliyinin (DİN) əməkdaşı Nurlan Əliyev bildirib ki, keçirilən tədbirlərlə əməli törətməkdə şübhəli bilinən Sadıq Sadıqov müəyyən olunaraq saxlanılıb. İlkin məlumata görə hadisə şəxsi münasibətlər zəminində baş verib. S.Sadıqov barədə Cinayət Məcəlləsinin 221.3-cü (xuliqanlıq) maddəsi ilə cinayət işi başlanılıb.
16:46
Bakıda, Üzeyir Hacıbəyov küçəsində yerləşən Sahil bağında gənc oğlan qızı bıçaqlayıb.
Bu barədə Baku.ws-in qaynar xəttinə məlumat daxil olub.
Şahidlərin sözlərinə görə, cinayəti törətdikdən sonra ərazidən qaçmaq istəyən şəxsi polis əməkdaşları saxlayıblar.
Bıçaqlanan qız isə təcili tibbi yardım maşını ilə yaxınlıqdakı xəstəxanaya aparılıb.
