Lələksiz quş “Instagram”ın yeni fenomeni oldu – FOTO

Bostonda yaşayan 23 yaşlı İsabella Eisenmann adlı xanımın evdə bəslədiyi Rhea adında quşu digərlərindən fərqləndirən olduqca maraqlı bir xüsusiyyəti var. Rhea nadir xəstəlik ucbatından yumurtadan lələksiz çıxıb.

Oxu.Az xarici KİV-ə istinadla xəbər verir ki, İsabella “Instagram” hesabında onun fotoşəkillərini paylaşdıqdan sonra sosial şəbəkə izləyiciləri 2 yaşlı quşun üşüməməsi üçün ona müxtəlif geyimlər toxuyub göndəriblər.

“Rhea ictimaiyyət arasında olmağı xoşlayır. Qəfəsi sevmir, buna görə onu həmişə ya bayırda, ya da qəfəssiz saxlayırıq. Müntəzəm şəkildə baytara aparırıq”, - deyə sahibi bildirib.

Lakin lələkləri olmadığı üçün çox üşüyən Rhea sahibinin onun üçün hazırladığı kiçik sığınacağa girir və saatlarla oradan çıxmayaraq qızınmağa çalışır.

Aytən Sadıqzadə
www.oxu.az