Yer üzündəki "Mars"da qəribə canlı aşkarlandı

Elm adamları dənizin təxminən 3 000 metr dərinliyində nadir canlılardan birini - dəniz donuzunu aşkar ediblər.

Bu barədə "IFLScience" məlumat yayıb.

Bildirilib ki, tapıntı Peru və Çili boyunca uzanan Atakama çökəkliyinə yeni ekspedisiya zamanı aşkar edilib.

Qeyd edilib ki, Sakit okeanla sərhədi olmasına baxmayaraq dünyanın ən quru səhrası olan Atakama elm adamlarına Yer üzündə Marsın analoq modeli kimi məlumdur. O, Qırmızı Planetdə həyatın formalaşması halında getdikcə quruyan səthinə necə uyğunlaşa biləcəyi barədə vacib məlumatları ehtiva edir.

Dalış zamanı alimlər ümumilikdə təxminən 70 nümunə götürüblər. Onların arasında yeni növlər və qədim daşlaşmış qalıqlar da olub. Ancaq okeanın ən dərin nöqtələrindən birinin dibində gəzən canlılardan biri hesab edilən dəniz donuzu xüsusi maraq kəsb edib.

Yer üzündəki "Mars"da qəribə canlı aşkarlandı

Ümumiyyətlə gün işığı olmadan həyat Yer üzərindəki canlıların əksəriyyəti üçün yaddır, buna görə də okeanın ən dərin nöqtələrində həyatın formalaşmasını anlamaq alimlər üçün vacibdir.