Günay Rəhimova: "Dublyaj sənayesi ilə bağlı hazırda qanunvericilik layihəsi üzərində işləyirik"

"Dövlət tərəfindən təmin edilmiş təqaüd proqramları çərçivəsində ötən il 20-dən çox tələbənin xarici ölkələrdə Mədəniyyət Nazirliyinin xətti ilə müxtəlif ixtisaslar üzrə təhsil alması proqramı artıq reallaşıb. Onlardan səkkiz nəfəri dünyanın nüfuzlu kino məktəblərində təhsil alır".

Oxu.Az xəbər verir ki, bu fikirləri jurnalistlərə açıqlamasında Mədəniyyət Nazirliyinin film, video və videooyunlar sektorunun müdiri Günay Rəhimova deyib.

O qeyd edib ki, 2023-24-cü illər ərzində filmlərin istehsalına 15 milyon manata yaxın vəsait ayrılıb:

"Dublyaj sənayesi ilə bağlı hazırda qanunvericilik layihəsi üzərində işləyirik. Dövlət tərəfindən dublyaj studiyalarına subsidiyalar, qrantlar verilməsi ilə bağlı çalışırıq. Həmçinin dublyaj üzrə kadr çatışmazlığı var. Bununla əlaqədar da nazirlik təqaüd proqramı çərçivəsində xaricdə kadrların yetişdirilməsini nəzərdə tutub".

Məhərrəm Əliyev